“خلاصة الكلام” قصيدة بقلم “عبير عبد السلام” ( شاعرة الريف )

الست زي الدهب
أغلا من الملايين
يعني كما الألماظ
تشوفها تملا العين
زاين جبينها الأدب
جمال وأصل وديـن
أمك وأختك وزوجتك
ليه تبقى نمره ( ٢ )
هي الأمان والسند
ولزوجها خير معين
حتى كتـاب ربنــا
كرمها في الدارين
وقال لكل الرجال
وإظفر بذات الدين
واللي وصل منكم
لرتبه .. قولّي منين ؟
غير واحده جنبك سند
سهرت ليالي تعين
يعني خلاصة الكلام
خليك عليها حنون
وإعمل مايرضي الله
وبلاش لست تهين