الخبر الثقافي موقع يهتم بكافة النواحي الثقاقية بمختلف مجالاتها وتغطية الأخبار الفنية .
في الليل..
رمى المراكبي العجوز
حروف الرزق ع المية
رامي حموله ومصتبر
وتوكالوا علي الله
ألف…لام….ره…..زق
زق يا مجداف
وعافر التيار
وسمع للسمك صوتك
وغازل الموجه
لجلن تحيد ع الزربنه والهوجه
معووجه…. يا هامة العواجيز
منقوشة شامه ألم
تحت العيون والدقن
دبلان…. يا خد كان رغم الزمان وردي
وعرفت طعم الكرمشة
ستين سنة ف البحر
لا عرفت تبقي حوت ..
ولا حتى سهلية
وتوجوك ع البحر..جته مرميه
علي حته خشب…
مخنوقه في الشبكة.
كبرت…
ورموك الصيادين في البحر
قالوا العجوز ….
لن يجوز يبقي وسطينا
راحوا ورمولك طعم دودة في الطريق
لجل تسكت….
وانت اللي ياما
رميت..في طعمك للسمك
قصيت حبال المستحيل
لجل موج البحر ما يركبك
ولكنك صبحت كبير
كبير السن في عينيهم
كبير القيمة في عنيا
جعلت البحر بتنحي
عن الهيجان وروضته
علمت كل الصيادين…
كيف الطلوع للبحر
أفرد جبينك يا عجوز…
لسة السما صافية
أفرد جبينك وافتخر
أنت الأساس في البحر
انت امتداد للجي
ولا تزعل…ولا تندمش
