“شخصي للغاية” قصيدة للشاعر “جمال حراجي”

شخصي للغاية
أنا قلت للمحقق كل حاجة
وسلمته متعلقاتك الشخصية
بطاقتك وخاتم زواجك
وصورة بنتك ودموع حبيبتك
وشهادة من أصحابك
بيقولوا فيها انك شاعر
صحيح المحقق قعد يضحك
ويب صلى بشماته
لكن أنا مهتميتش
طلب منى اسمك رباعي
وتاريخ ميلادك
والمهنة قبل الحادث
شاورت له على الشهادة
ضحك تانى… وشتمنى !
هو فيه مهنه بالشكل ده
ماعرفتش أرد
كان قاصد يهينك
بس هى الطريقة الوحيدة
لكسب الإعترافات
ولما قلت له انك صاحبي
ماصدقنيش
أتحايلت علية كنير
كان يهمنى أنه يصدقنى
ولما بص فى الورقة اللى معاة
قرر انه يقفل المحضر
وبدون توقيع
وادينى قدامك
مجرد جته فى نعش
وناس بتصوت بحرقة
وناس بتقول يستاهل
مش عارف صدق مين؟
أصدقك ولا أصدقهم
ولا أصدق نفسى !