الخبر الثقافي موقع يهتم بكافة النواحي الثقاقية بمختلف مجالاتها وتغطية الأخبار الفنية .
الراجل العجوز اللي بيستنى يوماتى
القطر القشاش على شريط السكة الحديد
اختفى فجأة
وما عدش بيسأل حد
عن أسباب تأخير قطارات
الدرجة الثالثة
وتكسير شبابيك العربيات الخربانة
وشتيمة الكمسري للركاب
مع أنة أمبارح بس
كان بيلم ضلوعه من على شريط القطر
ويعيى عضامة فى كيس بلاستيك
ويخبى وشه بورقة جنرال قديم
عشان ما يشوفشى الناس
وهى بتتفرج على خفة روحة
وهى بتطير للسما
لجل ما تلحق كرسي
فى آخر عربية فى القطر القشاش
