الخبر الثقافي موقع يهتم بكافة النواحي الثقاقية بمختلف مجالاتها وتغطية الأخبار الفنية .
ووعدنا يامصر ووفينا
وقناتنا اتحفرت في قلوبنا
من قبل مانحفر بايدينا
ووعدنا ياحره ياابيه
والفرحه بترقص ع الميه
لنقدم ارواحنا هديه
وده جزء بسيط م اللي علينا
ووعدنا نشيلك علي راسنا
نوهبلك روحنا واحساسنا
وان كان الهم في يوم داسنا
هندوسه ياغاليه برجلينا
بالجيش الواقف علي بابك
والصاين عرضك وترابك
دي نسور بتعلي في محرابك
وتدافع عن اغلي مالينا
ووعدنا نزود افراحك
ونجيبلك من بكره وشاحك
نستعجل فجرك وصباحك
وولادنا بتسند في ايدينا
وقلوبنا تسبح وتكبر
ولايوم تتعالي وتتجبر
وهنفضل نكتب ونسطر
في تاريخك وده حق علينا
ووعدنا نكونلك حراسك
ونشيل اسامينافي كراسك
ونعلي في هرمك واساسك
بارادة المولي اللي راعينا
ووعدنا نبوسك علي خدك
ونفصل توبك علي قدك
ونكونلك جزرك او مدك
ونصونلك بحرك والمينا
ووعدنا هنحفر في قناتنا
والمولي يبارك خطواتنا
ونشوفك دايما في حياتنا
محروسه ونورك في عنينا
وياريتنا نوفي اللي علينا
وياريتنا نوفي اللي علينا
