الخبر الثقافي موقع يهتم بكافة النواحي الثقاقية بمختلف مجالاتها وتغطية الأخبار الفنية .
كتب الفنان الشاعر عنتر هلال :
(القصيده دى مكتوبه ب مداد ألمى…مش ب سواد قلمى…….عنتر ..)
أنا ورقى سليم …..
أنا مش زى ما إنت فاهم. .
…..المواطن اللئيم…..
أنا غلبان….
رغم الحادث الأثيم..
أنا أنسان …
صنعتى التباسيم.
والعالم الموحش…بطمنه بتقاسيم
تصالح الشقيان..
على حفر الطريق..
وتبل حطب ريق
نشفان
ب ميه الطبطبه
ودمعة التحنان.
…بسم الله الرحمن الرحيم …!!!؟
ماتضربنيش بالقلم
أنا قد والدك
آى نعم ..احنا الخدم و
البلد بلدك
اى نعم انا مش قدك ولا
قد الورد اللى فى خدك
بس ابوس يدك
عدينى
أنفد بدينى
يا شيطانى الوسيم
انا
ورقى …سليم.!
